القضاء والقدر
القضاء والقدر
والله لو اطلعتم على الغيب لاخترتم الواقع
طالب بكلية الطب وحيد لاهله من عيلة متوسطة الحال كان واقف مع رفقاتو ع باب الكلية بيحلو أسئلة الدورات السابقة اجت سيارة مسرعة كتير و صدمته ...كان منظر مروع والدم بالارض بينزف كتير اخدوه ع مستشفى الجامعة بسرعة وكل رفقاتو بيدعو بقولو يا رب دخل العناية المشددة وطلع عنده كلية بتنزف ولازم يستأصلوها دغري والا النزف مح يوقف وحياته بخطر ...وما كان ادام الكادر الطبي الا انو يأنقذو حياته واستأصلولو ياها... والحمدلله وقف نزف وبلشت حالته تتحسن يوم بعد يوم بفضل الله واهله جنبو طول الوقت بيحمدو رب العالمين انو ما فقدو أبنن
الوحيد وهو قاعد مكتئب بغرفته انو كيف صار معو هيك ... دخل عليه الجراح يلي عمله العملية وهو بيضحك وعم يقلو سمعت عن القضاء والقدر قلو اَي اكيد بس يا دكتور انا خسرت كتير
قلو الدكتور انا كنت اسمع عنه كتير لحتى شفتو معك ...قلو كيف !!!؟
قلو ونحنا عّم نعملك العملية لقينا نسيج غريب بالكلية يلي استأصلناها و وقت بعتناها ع مختبر للتحليل..بين معنا انو في بداية تغيرات للخلايا بطريق نشاط سرطاني يلي كنّا ما رح نقدر نكتشفها الا بمرحلة متاخرة و بتكون حياتك هي السبب...
قلو يعني يا دكتور بتتوقع انو السيارة اختارتني وحددت مكان الاصابة بالضبط لأخد فرصة بالحياة...
قلو الدكتور :تخيل !!!هل بتتوقع انو صدفة...هي رحمة الله فيك
ضحك الطالب وقلو هاد قضاء وقدر الحمدلله العالمين ..
قال احد الصالحين
"لو علم العبد كيف يدبر الله له اموره لعلم يقيناً ان الله ارحم به من امه وابيه ولذاب قلبه محبة لله"
والله لو اطلعتم على الغيب لاخترتم الواقع
