الطبع غلب التطبع
الطبع غلب التطبع
بيوم من الايام بقديم الزمان كان في ملك يسأل دائماً الطبع بيغلب التطبع ولا العكس وكان عنده وزير حكيم بيأكدلو ان الطبع بيغلب التطبع وكان الملك بنفسه يجي شخص يثبت اله ان التطبع هو يلي بيغلب الطابع مو العكس ....
وأعلن الملك بالبلد اذا انوجد شخص بيثبت للملك بدليل انو التطبع بيغلب الطبع رح يعطي مكافأة كبيرة ...وفعلن تقدم شخص وقلو عندي دليل انو التطبع بيغلب الطبع والدليل انو عنده مجموعة قطط بتوقف ع قدميها وهي حاملة الشموع وقت يمر الملك من أمامها وهاد اكبر دليل على انو التطبع بيغلب الطابع ف امر الملك الرجل انو يجيب القطط و وعده بالجائزة... تاني يوم وفعلن وقت مر الملك كانت القطط موجودة وهي ع حالة يلي وصفا الرجل فقلو الملك للوزير شفت كيف التطبع غلب الطبع!!؟
ضحك الوزير وطلب من خدم حاشية الملك يجيبو عشر فئران و وقت يمر الملك يطلقوها وفعلن تاني يوم والملك ماشي ادام القطط يلي حاملة الشموع اطلقو الفئران و وقت شافت هيك القطط تركو الشموع وصارت تركد وراها تطاردها وقتا طلع الوزير بالملك قلو شو رايك جلالة الملك ف رد عليه الملك بحزن اَي والله الطبع بيغلب التطبع وهي الجملة صارت متداولة بين الناس حتى وقتنا هاد بالمواقف ياي بيظهر فيها اَي إنسان كذاب محتال ع حقيقتو
