يا ريتو ابني كنت بعرف ربيه
مو شطارة هي توفيق من الله
قصتنا لكل الناس يلي بيقارنو بالتربية وبيتفاخرو
كتير منلوم الأهل وبنتهمهم بأنهم مقصرين بتربية ولادهن ونحنا ما بنعرف ادي بعانو من تربيتن
امرأه مسنة شافتها صديقتي بالحج خبرتها بقصة اثرت فيها وبكل من سمعها كتير
قالتلا انا ارملة وكان عندها ولد صالح والله حسيبة حافظ للقرءان بار فيها بقوم الليل من صغرو...وكانت تشوف ولاد قرايبينها مو بمستوى ابنها فكانت تلومن على تقصيرن وتهاونهم مع ولادهم وتنظر الهن نظرة استنقاص بسرها رغم إنهن مو سيئين بس بنفسها كانت تقارنهم بابنها...
كانت تفتخر بنفسها انو ربته هيك و وابوه متوفي من صغرو وتقول كيف هدلون معهن ازواجهن وما قدرو يربو ابنهن هيك...
وبتقول فجأة انتكس ابنها دون مقدمات ما ترك الصلاة بالمسجد تركها نهائياً وصار يصاحب صحبة سيئة وبعدها اكتشفت انه ادمن على نوع من الحبوب وضلت تلت سنوات تنصحه و توجهه ودخلت اخواله لنصحه بس مافي فايدة...
وعرفت اول مرة معاناه الامهات وقت كانو يقسمو الها إنهن حاولو بدون فايدة رغم إنهن ما وصلو للي وصل له ابنها من انحرافه...
وصلت معا الحالة لتدخل غرفته تجمع الحبوب والصور الخليعة من الدروج وتتخلص منها فيعصب ويصرخ ويدفشها كانو بدو يضربها وضربها مرة...
قالت انكسرت نفسي وصارت تخجل تشوف مين كانت تنتقض ولادها بنظراتها وبينها وبين نفسها سمعة ابنها سيئة وصلت للجميع للاسف...
وعرفت ان الله بيعلمها وبيأدبها
وما انفكت عن الدعاء تلت سنوات تدعي وتبكي وتبكي بحرقة بس عرفت انه كانت تربية من الله حتى انكسرت نفسي تماما من عجب بتربية ابني ولوم الناس بتقصيرهم...لما انكسر كل هالشي وماضل بقلبي منو شي وعرفت انو انا ولا شي وانه هي كانت رحمه الله وارادته هي سبب صلاح ابني وانه هي فقط مجرد سبب...و وقت مسك الله رحمته عنها ضَل وفسد ولما وصلت لهل مرحلة من تعلق التام برحمة الله والتخلص من كل تعلق نفسي وبتربيتي وكانت عّم تدعي بصلاتها مرة بالليل دخل ابنها على غرفتها وكانت الساعة 3 باليل وعيونه حمراء من السهر وريحته تفوح بالدخان فباس رأسها وقلها ارضي عني يا امي...وحضنها وبكى قالتلها طيب وبعدها شو صار يا خالة اطلعت فيها قالتلا هو يلي جابني ع حج يا بنتي
رحمني ربي ولطف فيني وفيه مو شطارة مني هو توفيق الله ...
ادعو لولادكن
ولادنا رزقة ونعمة
واحترامهم النا رزق و نعمه
وحبهم النا رزق ونعمه
وتوفيق الله الهم رزق ونعمه
ولا بد للرزق من الشكر ولا بد للنعمه من الحمد
الحمدلله دائماً وابداً
لاتعاير فتبتلى
لاتشمت بأخيك يعافيه الله ويبتليك
