الحكمة
قصتنا اليوم بدور بمدينة فيا طبقات متفاوتة الغني والفقير وطبعن يلي بتمو ملعقة دهب غير يلي بتمو ملعقة خشب الحياة بتختلف كتير ..كانو الأغنياء يحطو أستاذ خصوصي حكيم ليعلم ولادن التعامل مع الحياة والناس قصتنا بيحكا شب مع استاذو
بيقلنا بيوم من الأيام كان ماشي هو و استاذو بالبساتين شافو حذاء لواحد من الفقراء يلي بيشتغلو انبسط التلميذ وقال لمعلمو شو. رأيك نخبي ونشوف شو رح يعمل فقلو استاذو الحكيم لازم ما نتسلا ع حساب غيرنا بس انت فيك تسعد حالك اكتر ويلي بتعني كتير للفقير قلو كيف قلو شو رأيك تحط قطعة دهب من فلوسك بقلب الحذاء ومنتخبا لنشوف شو رح يعمل بس يشوفا !!! عجب التلميذ الاقتراح وعمل متل ما قلو معلمو و تخبو ليشوفو ردة فعل هاد الفقير وبعد دقايق اجا العامل بعد ما خلص شغلو ولبس حذاءه فحس في شي جواتو و وقت طلعو شاف قطع دهبية ... اطلع بالقطع الدهبية واطلع بكل الاتجاهات ما شاف حدا حوليه و نزل ع ركبتيه واطلع ع سما وهو عّم يبكي ويخاطب ربو بصوت عالي وقال شكراً يارب ما أكرمك يلي عرفت إنّو زوجتي مريضة و ولادي جوعانين ماعندن خبز فأنقذتني انا و ولادي من الجوع والهلاك وسجد وهو عّم يبكي 🙏🙏تأثر كتير الاستاذ وتلميذو وقتا قال الاستاذ الحكيم لتلميذو شو رأيك هاد الشي بفرحك اكتر ولا اقتراحك إنّو نخبي الحذاء قلو التلميذ تعلمت درس ما رح أنساه كل عمري فقلو استاذو العطاء انواع :
العفو عند المقدرة عطاء والدعاء لأخيك بظهر الغيب عطاء والتماس العذر له وصرف ظن السوء به عطاء والكف عن عرض اخيك في غيبته عطاء وهي نعمة من ربنا حتى ما يكون العطاء بس لاصحاب الاموال 🙏
