ماري

كااان يا مكان يا سادة يا كرام كان في بنت اسما ماري خلقت بين عيلة متواضعة واهلها ربوها ع احسن الاخلاق ...كانت تشوف رفقاتا كيف يتعاملو مع بعض وكيف يراهقو وكيف يحبو وكل وحدة عندا حبيب وكيف يطلعو ويفوتو ...بس هي ما تأثرت ابداً كانت مبسوطة بحياتا هيك ...وكانت ماري من عشاق الكمبيوتر والانترنت ...ومستحيل كانت تحكي مع شب كلو بنات ...ومرة اجت رفيقتا وعرفتا ع رفيقتا ع انترنت وصارت تحكي معا ...كان اسما ألاء ...تعلقت ماري كتير بالاء ...نفس اخلاقا ونفس طباعا وتفكيرن كتير متشابه...وبيوم من الايام اجت الاء قالتلا بدي قلك شغلة وتوعديني ماتزعلي مني ...هون ضحكت ماري التلا شو ازعل منك ...انا مستحيل ازعل منك ...التلا ماري انا اسمي علاء مو الاء انا شب مو بنت ...... هون كانت الصدمة ....... الاء مو بنت...... الاء كان شب..... ادايقت وبكت ...قلها سامحيني ...انا كنت بعرف انك ما بتحكي مع شباب وعملت هالطريقة كرمال احكي معك ولاني حبيتك وبعمري ما كذبت عليكي الا كرمال اوصلك ...بكت ماري كتير ...صدمة عمرا كانت...هون كتبتلو وقلبا عم يتقطع .... انا حبيتك من كل قلبي وتعلقت فيك ...بس سامحني انا ما بقدر كمل معك ...اول شي لانو هي علاقة محرمة عند ربنا وما اجتمع تنين الا كان الشيطان تالتن...ولانو اهلي عطوني ثقة ومستحيل خون ثقتن... وحذفت حسابو ... وقفلت قلبا وحرمت تعمل صداقات ع انترنت... تابعت حياتا بشكل طبيعي وكملت دراسة...وكانت من المتفوقات... فكرمتها الجامعة ببعثة ... ومرة وهي بتحضر المحاضرة نسيت دفترها ع طاولة... اجا واحد من المسؤولين هونيك وشافو قال اكيد لشي طالبة وحطو ع مكتبو ليجي حدا يسأل عنو... في شي دفعو يفتح الدفتر ... شاف اسم ماري ونفس الايميل... هون كانت الصدمة ... ضل يستنا لتجي تاخد الدفتر وطبعن اجت ماري اخدت الدفتر...وهو ما شال عينو عليها ... وضل يلحقا ويترصدا ليعرف بيتها... جاب العنوان وبعت اهلو يخطبولو ياها... كالعادة ماري رفضت قبل ما تشوفو ...هي سكرت قلبا ومستحيل تفتحو... اصر الشب يشوفا ويقلن بدي احكي معا ضروري وقدام الكل... نادتلا امها واجت قالتلو تفضل... قلا ما عرفتيني... قلا انا يلي التيلي ما رح كمل معك لانو بخاف ربي و ما بخون ثقة اهلي ... هون غابت ماري عن الوعي... صحيت لاقت حالا بالمشفى واهلا جنبا... قالتلن موافقة ... وتوجت قصة ماري وعلاء باحلى عرس وتاكدت انو من ترك شي لله الله بعوضو احسن منو ويلي عندو مخافة رب العالمين رح يضل ع الصراط المستفيم... وتوتة توتة خلصت الحتوتة...

مواضيع سابقة