Please reload

مواضيع سابقة

عميل خير وكب بالبحر؟

August 8, 2017

 

في متل بقول عميل خير وكب بالبحر ....

رب العالمين ما بينسا مثقال ذرة ويلي بيعمل خير اكيد بيرجعلو بس بطريقة تانية وبالوقت المناسب يلي رب العالمين بقدرلو ياه ...بيوم من الايام في وحدة غنية تعطلت سيارتا فجأة واضطرت تاخد تكسي لترجع ع بيتا بس للاسف ما وقفتلا ولا تكسي الوقت كان متاخر والدني بلشت تمطر ...يئست انو تلاقي تكسي فوقفتلا سيارة قديمة بسوقا شب مبين عليه انو فقير ...للحظة

خافت انو يطمع فيها لانو مفكرة ةل من شافا رح يطمع بثروتا ...بس كانت مضطرة تركب الوقت تاخر كتير والمطر بلش يقوى ...

ركبت وسألتو عن اسمو وشو بيشتغل ...قلا اسمي ادم وبشتغل بتوصيل الناس ...ارتاح قلبا وأنبها ضميرا كيف فكرت فيه بعد ما شافتو مؤدب وابن حلال وما نظرلا ولا نظرة غلط ...وحطت ببالا انو تعطي اد ما يطلب ولو كان غالي ...وبس وصلت قالتلو ادي الحساب قلا ولا شي تفاجئت واصرت عليه قلا اجرتي انك تعملي الخير مع يلي 

بتشوفيه...

رجعت مستغربة وتقول معقول في لسا هيك ولاد حلال ...انبسطت من جواتا وفاتت ع كافتيرا تشرب شي سخن ...فاتت وطلبت قهوة اجت العاملة وجابتلا شافت المرة كيف وجه العاملة اصفر وتعبان وبطنا كبير قالتلا خير فيكي شي التلا ع باب ولادة التلا طيب لي ما بترتاحي التلا مضطرة اشتغل مشان وفر مصاريف ولادتي ...انقهرت عليا كتير عطتا الحساب وكان عشر اضعاف القهوة وراحت العاملة لتجيب الباقي من المحاسب لاقت ورقة كتبتلا الباقي هدية الك ويلي تحت الطاولة هدية لطفلك وكان تحت الطاولة اد راتبا ست مرات العاملة طارت من الفرحة ودموعا تنزل لحالا ...استأذنت من شغلا وطلعت وهي عم تبكي من فرحتا ...طلعت تفرح زوجا يلي اكل هم مصروف ولادتا ...دخلت ع بيت بسرعة وهي عم تناديلو خاف يكون موعد ولادتها ... 

ضمتو والتلا الله فرجا علينا يا ادم
الف الحمد والشكر الك يارب
ودموع الفرح تنزل منن هني التنين لترحب بابنن الجاي
...
وهيك دائماً الخير رح يرجعلك اكيد فاعملو ولا تنتظر مقابل ...رب العالمين كريم بعطاياه ...وما بينسا مثقال ذرة ...
‏ 

Share on Facebook
Share on Twitter
Please reload

  • Facebook Social Icon
  • Twitter Social Icon

©2017 BY ANFAS-ALROUH. PROUDLY CREATED WITH WIX.COM