عسى ان تكرهو شيئا
*عسى ان تكرهو شيء وهو خير لكم وعسى ان تحبو شيء وهو شر لكم * كل شي بالدني الو حكمة من رب العالمين ولو كنت مفكرو شر الك قصتي اليوم هي مثال كبير لحكم رب العالمين شب باول عمرو تزوج من بنت وكل الناس يشوفون احلا ثنائي بعد سبع شهور من زواجن عمل حادث ودخل بغيبوبة وضلو متأملين انو يصحى ومضى ع هالحالة تلت سنين ويوم شاف ابو الشب انو تاخر شفاء ابنو قرر يطلق البنت مشان تشوف حياتا
وفعلن راحو ع محكمة مع البنت وابوها وطلقا وراح كل واحد بحال سبيلو بدون اي زعل وضل ابنو بالغيبوبة لصارو خمس سنين وسبحان من يحيي العظام وهي رميم بعدا صحي وتعافا
ورجع متل ما كان ورجع لاهلو وشغلو وقررو اهلو يزوجو واستشاروه بس رفض واصر انو يرجع لمرتو و فعلن اهلو ما رفضو لانو بيعرفو ادي كانو يحبو بعض وحجم الوفاق بينن و رغبة ابنن فراح الاب واخوانو لبلدة البنت وكانت انقطعت اخبارن عن بعض بعد الطلاق ورحب فين ابوها وهنو بالسلامة واجو قالولو انو بدن يطلبو البنت سكت الاب قلن انو تزوجت
انصدم زوجا وقلن الله يسعدا يارب والدمعة بعينو قلو الاب لحظة كملك تزوجت من سنة وجابت توم ولد وبنت وتوفى زوجا وهلىء عمر ولادها تلت شهور قلو انا قبلان فيها وبولادها وفعلن
رجعو تزوجو ورجعو عاشو الحياة الحلوة يلي رسموها سوا ومع اجمل ولدين وبعد سنة من زواجو قررو يجيبو ولاد وراح ع مشفى فحص للاسف طلع عقيم
تقبل قدرو وتقبلت زوجتو وقالو الحمد لله وزوجتو كانت بتحبو وضلو مع بعض وبعدا عرف حكمت رب العالمين من غيبوبتو
وطلاقو من مرتو وزواجا من شخص تاني لتجيب ولاد وترجعلو وهي عم تحمل هدايا الرحمن الاطفال يلي انحرم منن ويكسب اجر بالدنيا والاخرة بكفالة هالطفلين اليتيمين تاكدو انو ما بصير شي الا والو حكمتو و ربنا من رحمتو بيخترلنا الخير
ولو ما كنا شايفينو خير بوقتو والله لو اطلعتم على الغيب لاخترتم الواقع فهو يعلم ما لا نعلم وهو العليم الخبير الحكيم الخبير
