عار البنت

السلام عليكم احبابي وحدة من معارفي عرفت اني بلشت معكن بالقصص وطلبت مني احكي قصتا ... خلقت بنت وهاد كان جريمة بالنسبة للبلد يلي هني فيه ...هني بيفكرو انو البنت بتجيب العار وبتجيب الفقر...رغم انو نبينا عليه الصلاة والسلام زكر بحديث انو يلي بربي البنت تربية صالحة بدخلو الجنة بس هني بلد لسا الجهل مسيطر علين والدين بياخدو منو يلي بدن ياه وبيتركو يلي بدن ياه

...متل ما بقولو انو مفصلين الدين ع مقاسن ... وطبعن بغنا انكن تسمعو عن الحياة يلي عاشتا بس كانت صعبة ...تزوجت بعمر 12سنة لزلمة اكبر منا ب15سنة كان ظالم كتير يعني متل ما بقولو عنا من تحت الدلف لتحت المزراب ..جابت منو ولدين صبي وبنت ...وطبعن عجب فيها ... وطلقها وحرما من ولادها ...ورجعت لعند اهلها وكان ابوها متوفي وكان حوليها امها واخواتها ..اخواتا كانت لسا الرحمة بقلوبن وهي مكسورة سفروها لعندن وكان بقلبا عطف وحنان بيوسع الدني كانو كل شي بحياتا ..كان وضعن المادي مو مستقر فقررت تساعدن ...

صارت تجيب ولاد صغار تحطن عندا لتعوض شويت حنان فقدتو وقت اخد منها ولادا ..وهي كانت ست بيت شاطرة وماحدا بيغلبا بالطبخ ..فاقترحو عليها جيرانا انو تصير تطبخ وتبيع ..

.وانشهرت وطبعن ما كانت تقصر مع حدا من المساكين والفقرا وكلو التكاليف تحطا منها لوجه الله ...بيوم من الايام امها تعبت كتير ما تركو مشفى ما حللو فيه بس للاسف ..طلع معا سرطان الدم ..وقالولها انو بالكتير شهر وبتموت ...دمعتا ما نشفت وتسجد لرب العالمين وتشكيلو وتطلع بامها وكانو كل يوم عم تودعا ...

وطبعن ضلت تشتغل بس الحزن معبي قلبا ...مر الشهر وما توفت امها وهي تدعي ربا ..ومر الشهر التاني والام عم تتحسن فقررو يروحو ع مشفى وحللت ....هون كانت الصدمة امها مافيا سرطان امها طابت بقدرة رب العالمين وكانت معجزة كبيرة للمشفى ...يالله ما احلا عطايا الرحمن ..هون عرفت انو الصدقة ممكن تعمل المستحيل ...واكيد قدرة رب العالمين فوق كل شي ...

وطبعن هي عمرا ما يئست من رحمتو وضلت تدعي والله ما بيرد ايدين نرفعت لتدعيلو ...اكيد مو جديدة نعرف انو يلي بيتوكل ع الله ما بخيب وانو رب العالمين بيفاجئنا بعطاياه ورحمتو فالحمدلله انو امورنا بيد رب كريم ورحيم

مواضيع سابقة