اعمل خير ولا تستنا المقابل

اعمل خير ولا تستنا من حدا شي يعني وقت بدك تعمل شي منيح ما تستنا من حدا يردلك المنيح خلي نيتك دايما تجاه رب العالمين ولا تنتظر المقابل الا منو...لانو لو ما قدرو بهالدني اجرك عند رب العالمين كبير ...والله رح يعطيك ليرضيك ... اليوم قصتنا بقرية صغيرة ناسا بسيطة ...بقلب هالقرية في مرة كل يوم بتخبز وبتخلي رغيف لاي واحد بمر جوعان ...وكل يوم بمر واحد احدب فقير بيمر بياخد هالرغيف...بدون حتى ما يشكرا ...بس كان يقول الشر يلي بتقدمو بضل معك والخير يلي بتقدمو بيرجعلك...وكل يوم كان يجي ياخد هالرغيف ويقول نفس العبارة...بلشت المرة تدايق يوم بعد يوم لانو بياخد هالرغيف بدون ما يحسسا انو هي بتعمل شي منيح ولا حتى يشكرها...بس كان يقول نفس الجملة...بيوم من الايام فكرت انو تتخلص منو وقررت انو تسمم الرغيف يلي بدو ياخدو ...وفعلن سممت الرغيف واجت تحطو صارت ايدها ترجف وصارت تقول شو عم اعمل انا 😱😱 ورمتو بالنار وعملت رغيف تاني وحطتو واجا هالاحدب اخد الرغيف كالعادة وراح وقال نفس الجملة وهو ما بيعرف الصراع يلي كان عم يدور بعقل هي المرأة...وكانت دايما هالمرة تدعي لابنها يلي غاب عنا سنين وشهور يلي راح يدور ع مستقبلو...وما بتعرف عنو شي...وبنفس اليوم يلي صار معا هيك ورمت الرغيف بالنار ...باب البيت بيندق بالليل...مو بالعادة...فتحت الباب...طلع ابنا😀...شافتو تعبان واواعي مهترية...وكان جوعان وتعبان...قلا. وجودي هون معجزة...قلا على بعد اميال من هون كنت تعبان وعلى وشك الانهيار...وكنت رح موت لو ما مر رجال احدب وترجيتو يعطيني اي شي معو لاكله والرجال طيب عطاني رغيف خبز كامل...ووقت عطاني ياه قلي هاد اكلي كل يوم...وقت سمعت هالحكي اصفرت وارتعبت...وتزكرت الرغيف يلي بتعملو كل يوم...وتزكرت كيف كانت رح تسمم الرغيف...وقالت لو ما رميتو بالنار كان ابني رح ياكلو ويخسر حياتو...وقتا تزكرت جملة الرجال الاحدب وقت كان يقول الشر يلي بتقدمو بيضل معك والخير يلي بتقدمو بيرجعلك 😊🙂🙃 وهي المرة كانت رح تفقد ابنا يلي طول الوقت بتدعي يرجعلا وقت لعب الشيطان بعقلا وكان رح يخليا تسمم الرغيف بس الحمدلله رب العالمين رحما وخلاها ترمي بالنار ...فلا تنطر من حدا شي ولا شي ولا حتى كلمة ولا نظرة...احتسب كل شي عند رب العالمين... والله ما بخيب حدا ودور دايما على اجر رب الكون مو يلي مخلوقين بهالكووون🙏🙏 ‏

مواضيع سابقة