• Maroshka

يمهل ولا يهمل

مو معنا اذا التقينا بناس سيئين بحياتنا نفكر العالم كلا متلن ..اصابيعك كلا مو متل بعضا..ومتل ما بقولو ان خليت خربت..ويلي بينطلم الله بياخدلو حقو وادام عيونو..فمافي حاجز بين رب العالمين ودعوة المظلوم ..واد ماكان الشخص يلي ظلمك جبار رح يجي مين يكون جبار اكتر منو والله المنتقم الجبار .. جمانة بنت وعيت ع دني لاقت حالا وحيدة لاب كبير بالسن عندو محل دهب ورب العالمبن اخد امانتو وهي بالاعدادية وضلت هي وامها لحالن والحمدلله كان عندن جيران طيبين ساعدوهن لباعو محل ابوها وسدو الالتزامات يلي عليهن وتركو الباقي بالبنك ليعيشو منو ولتكمل جمانة جامعتا..والحمدلله خلصت جامعتا وتوظفت بشركة كبيرة وتقدملا شب اسمو حسين ولانو مالن حدا طلبو من جارن يسألن عنو ونصحن انو مو منيح بس حسين ما يئس وضل يتحنن ويبعت وسايط لحتى توافق وهي حن قلبا شوي ووافقت بحجة انو بدا رجال يحميا ..

وافقت الام بشرط انو يسكن معن بالشقة وافق السيد حسين وجدد العفش وتجوز بسرعة قبل ماتغير رأيها جمانة..وبعد تلت سنين صار يتزمر وانو حاسس حالو ضيف لانو كل شي باسم امها لجمانة وضلت ينكد لحتى صار يلي براسو وكتبو البيت باسمو ومرت الايام والله مارزقا ولاد وصار يهدا ويجرحا بالحكي ويغيب عن البيت واذا حكت معو يضربا ويضرب امها وصار عندا خوف منو وعقدة من الرجال واخد كل شي منا بالقوة والضرب والغصب وكل هالشي ما فكرت بالطلاق لحتى اجا يوم اقترحت عليه يرجعلن ملكية البيت هون انفجر متل البركان ضربا وضرب امها وترك البيت وبعد تلت يام بعتلا ورقة طلاقا هون كانت الصدمة ..وين بدا تروح بحالا هي وامها.. باعت جمانة عفش البيت وتركت كل شي وماعد استرجت حتى تفوت ع حارا من خوفا منو ..ومدير شركتا بس سمع بقصتا زعل عليها واقترح عليها تسكن باستراحة العمال لتدبر حالا واقترحو رفقاتا بالشغل انو تسجل ع بيت بالجمعية وفعلن سجلت والحمدلله استلمتو بعد سنتين والله اكرمن بجيران كتير مناح ومرت الايام واقترح مديرا تسافر هي وامها اربع سنين طبعن بشغل وكانت احلا سنين عمرا خلصو الاربع سنين ورجعت واستلمت مكتب جديد وكان في شخص معا بالمكتب اسمو علاء قلبا انشرحلو بس هي خلص عندا عقدة من رجال حاول يتقربلا وهي تخاف تقلو مابدي عيد معاناتي وشفق عليا بس سمع قصتا وقلا مو كل الناس متل حسين واصر عليها تكسر حاجز الخوف وتروح معو لهديك الحارة وتواجه الخوف يلي جواتا راحت وشافت بيتن اسود متل الفحم وعرفت من الجيران انو تجوز وجاب ولد وبنت وبس عامل مرتو متل معاملت جمانة اجو اخواتا للبنت وضربو لحتى كسرو وطلقو اختن وفرضو علي نفقة للولاد وشرشحو ادام الخلق وانو صار حريق واحترق كل شي بالبيت وضل هو ع فرشة سفنج لحالو ع الارض المفحمة والحيطان السودا هون حست براحة غريبة وانكسر كل شي خوف جواتا والله ياكريم يالله ..مسك ايدا علاء وراحو وشكرتو من قلبا لوقفتو جنبا و وافقت ع زواج منو وعاشت حياة كلا سعادة وهنا مع امها ومسح علاء كل الايام السودا يلي بزاكرتا .. الله يمهل ولا يهمل والحمدلله رب العالمين

  • Facebook Social Icon
  • Twitter Social Icon

©2017 BY ANFAS-ALROUH. PROUDLY CREATED WITH WIX.COM