• Maroshka

العيد

قرب العيد وأي عيد هو احلى عيد بتزكر كنا نحنا وصغار نفرح بعيد الفطر اكتر من عيد الاضحى لانو عيد الفطر عيد للمسلمين وهدية على صبرن وصيامن وثباتن . كما قال الله تعالى: ﴿قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ﴾ اي ايااام حلوة مستحيل تنتسا كبرنا وعرفنا انو العيد بنشوفو بعيون الاطفال الصغار ...بلبسة جديدة ولعبة جديدة وعيدية .... امجد هو بطل قصتنا اليوم... قرب العيد وما ضل لرمضان الا كم يوم وبلشت العيلة تخطط شو بدا تعمل بالعيد وسألو امجد شو مشريعك يسكت ويقلن هو بس يجي رح نستقبلو احسن استقبال ويضحك... وراح ع غرفتو حس حالو كبر عن السنة الماضية ...وبلشت عيلة امجد ترتيبات العيد وتجهيزاتو وكان العيد ع اول الصيف فبلشو يضبو التياب الشتوية ويطالعو الصيفية ...امجد طلع ع تيابو لاقاهن صغرو عليه فراح كواهن وعطرن ولفن ع شكل هدية وقدمن لأبن الناطور وابن المسحراتي وصبي الكوا وصبي بياع الجرايد😍😍 ونسي يخطط للعيد بس طبعاً اهلو دايما سيرتن صارت بالبيت شو بدنا نعمل بالعيد وهو احتار شو بدو يعمل فاقترح علي ابوه يصلي العيد بالجامع يلي برا مدينتن ويروح من طريق ويرجع من طريق تاني متل ما كان يعمل الرسول صل الله عليه وسلم وحب الفكرة كتير وقال لرفقاتو واتفقو يطلعو سوا👍 طلعو وصدفت وكان مكان واقف بصلاتو جنب استاذه بالمدرسة بعايده و بقلو مبروك انت من المتفوقين وقلو انو مرشح لتدخل معسكر مع رفقاتك المتفوقين انبسطت كتير وفرح ...خلصت الصلاة ورجع من طريق تاني متل ما نصحو ابوه شاف ولاد صغار بيلعبو وبيشترو تزكر حالو وقت كان صغير وراح هو ورفقاتو اشترالن هدايا صغيرة يفرحن فيا متل وقت كان هو يفرح بالهدايا يلي يقدمولو ياها🙂🙂رجع ع بيت وهو مبسوط قعد مع اهلو وبلشت الناس تجي تعايدن بتعرفو مين اجا يعايدن 🙃 صبي الكوا وابن المسحراتي وابن الناطور وصبي بياع الجرايد لابسين تيابو انبسط كتير😍 وبالليل راح عند بيت جدو وسالوه شو عملت بالعيد هي السنة 🙏🙏قلن كان احلى عيد ما زينت غرفتي بس تيابي يلي ع رفقاتي كانت احلى زينة وضحكة الاطفال الصغار والهدايا بايدين وهني فرحانين فيا كانت احلى فرحة الي وفوقها بخبر اني نجحت بتفوق ومرشح لمعسكر للمتفوقين وقلن حسيت اني انا عملت عيد لنفسي 🙏🙏 فعلن الانسان وقت يبسط يلي حولي ويشوفن مبسوطين بحس ادي هو فرحان ع فرحن🙏🙏قرب العيد لاتبخلو على حالكن انو تفرحو يلي حوليكن بكلمة بضحكة بهدية🙏🙏 تصالحو مع ذاتكن ومع يلي حوليكن لتحسو بالعيد بيطلع من جواتكن ولاتنسوا ارحامكن واهم شي انكن تحمدو الله علي انتو فيه لانو في ناس لهلىء ما بتعرف شو يعني عيد 😢😢 او حتى ما مر علين العيد 😔 ‏

  • Facebook Social Icon
  • Twitter Social Icon

©2017 BY ANFAS-ALROUH. PROUDLY CREATED WITH WIX.COM